ⵉⴳⴰ ⵓⵙⵏⵜⵍ ⵏ ⵜⵎⵙⵙⵏⵜⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⵙⴳ ⵉⵙⵏⵜⴰⵍ ⴷ ⵓⴳⴳⴰⵏⵉⵏ ⵏⵏⴰ ⴼ ⵉⵎⵎⴰⵖ ⵡⴰⵎⵓⵏ ⴰⴳⵔⴰⵖⵍⴰⵏ ⴰⴷ ⵉⵙⵖⵣⵏ ⴰⵔⵔⴰ ⵏⵏⵙ ⵓⵛⵛⵉⵍ, ⴳⵏ ⵉⵎⵏⵣⴰⵢⵏ ⵉⵏⵉⵍⴰⵏⵏ ⵏ ⵜⵎⵜⵜⴰ ⵉⵎⵓⵏⵏ ⵥⵍⵉⵏⵉⵏ ⵙ ⵜⵡⵓⵔⵉⵡⵉⵏ ⵜⵉⵏⵙⴱⴰⴱⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⵢⴰⵏ ⵓⵏⴰⵡⴰⵢ ⴰⵎⴰⴹⵍⴰⵏ ⵏ ⵓⵙⴱⴷⴷⵉ ⴷ ⵓⵙⵎⴽⵍ ⵏ ⵉⵎⵉⵣⵉⵜⵏ ⵏ ⵉⴷⵔⵉⵣⵏ ⵓⵣⴷⵉⵔⵏ ⵉⵣⴷⵉⵏ ⵙ ⵓⵎⵓⵙⵙⵓ ⴰⵏⵙⴱⴰⴱ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵔ ⵜⵙⵙⵓⵊⴰⴷ ⴰⵙⴰⵜⵉ ⵉⵣⵔⵉⵏ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⵃⵎⴰ ⴰⴷ ⵢⵉⵍⵉ ⵓⵙⴷⵓⵙ ⵏ ⵉⵏⴰⵡⴰⵢⵏ ⴷ ⵜⵎⵙⴽⵔⵉⵏ ⴳ ⵎⴰⴷ ⵉⵣⴷⵉⵏ ⴷ ⵜⵡⵓⵔⵉⵡⵉⵏ ⵜⵉⵏⵙⴱⴰⴱⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ.
ⵓⵡⵉⵏ ⴷ ⵉⵎⵏⵣⴰⵢⵏ ⵏ ⵜⵎⵜⵜⴰ ⵉⵎⵓⵏⵏ ⵉⵏⵉⵍⴰⵏⵏ ⵙ ⵎⴰⴷ ⵉⵥⵍⵉⵏ ⵙ ⵜⵡⵓⵔⵉⵡⵉⵏ ⵜⵉⵏⵙⴱⴰⴱⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⵢⴰⵏ ⵓⵙⴰⵜⵉ ⴰⵏⴰⵡⴰⵢ ⵉⵙⵓⵜⴰⵔ ⵏⵏⵙ ⴳⴰⵏⵜⵏ ⴰⵣⵓⵛⵛⵍ ⵏ ⵉⵡⴰⵏⴽⵏ ⴳ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵜⵎⴰⵙⴰⵢⵜ ⵏ ⵜⵎⵙⵙⵓⵔⵉⵏ ⴳ ⵓⵣⵔⴰⴽ ⵏ ⵉⵣⵔⴼⴰⵏ ⴰⴷ ⴷ ⵓⵙⵓⵖⵏ ⵏ ⵡⴰⴷⴰⴼ ⵏ ⵡⵓⵏⴳⵉⵙⵏ ⵙ ⵜⴱⵔⵉⴷⵉⵏ ⵏ ⵓⵙⵙⵓⵎⵓ ⵉⵕⵡⴰⵏ, ⵜⵉⵏⵣⵔⴰⴼⵉⵏ ⴷ ⵡⴰⵔ ⵜⵉⵏⵣⵔⴰⴼⵉⵏ.
ⴰⵔ ⵉⵜⵜⵏⵄⴰⵕ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵓⵙⵎⵓⵜⵜⴳ ⴷ ⵜⵙⵖⵣⵏⵜ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵜⴰⵏⴰⵎⵓⵔⵜ ⴳ ⵢⵉⴳⵔ ⵏ ⵜⵎⵙⵙⵏⵜⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⵙⵓⵎⵓ ⵏ ⵉⵎⴳⴳⴰⵢⵏ ⴰⴽⴽⵯ ⵉⵎⵏⵜⴰⵢⵏ ⵙⴳ ⵉⴳⵔⴰⵏ ⵓⵏⴱⵉⴹⵏ ⴷ ⵓⴱⵕⵍⴰⵎⴰⵏ ⴷ ⵢⵉⴳⵔ ⵓⵙⵍⵉⴳ ⴷ ⵉⵏⵎⵓⵍⵍⴰ ⴷ ⵉⴳⵔⴰⵡⵏ ⵏ ⵓⵏⴱⴰⴹ ⴷ ⵜⴷⵉⵎⵓⵇⵕⴰⵟⵉⵜ ⵜⴰⵏⵊⵎⵓⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⴰⴷⴷⴰⵙⵉⵏ ⵏ ⵡⴰⵎⵓⵏ ⵓⵖⵔⵉⵎ, ⴷ ⵓⵏⵜⵜⴳ ⵏ ⵜⵎⵙⵙⵏⵜⴰⵢ ⵅⴼ ⵜⵙⵏⵙⵉ ⵏ ⵓⵎⵏⵣⴰⵢ ⵏ ⵓⵎⵏⵣⴰⵢ ⵏ ⵜⴳⴳⴰⵥⵜ ⵜⴰⵣⵓⵛⵛⵍⵜ ⵉⵥⵍⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ, ⵙ ⵓⵙⵎⴰⵏⴰⵔ ⵙ ⵉⵎⵏⵉⵔⵏ ⴷ ⵉⴼⴼⵖⵏ ⵙⴳ ⴷⴰⵔ ⵜⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴷ ⵜⴳⵎⵉ ⴳ ⵓⴱⴰⵔⴰⵣ ⴰⴷⵎⵙⴰⵏ ⴳ ⵓⵙⴽⴽⵉⵏ ⴰⴷ.
ⵎⴽⴷⴰ ⵉⵙⵡⵓⵔⵉ ⵓⵙⵇⵇⵉⵎ ⵅⴼ ⵓⵙⴷⵓⵙ ⵏ ⵜⵎⵙⴽⵉⵔⵜ ⵏ ⵜⵎⵢⴰⵇⵇⴰⵏⵜ ⵏ ⵜⵎⴰⵣⵉⵔⵜ ⵏⵏⵖ, ⵉⴽⴽ ⵢⴰⴷ ⵉⵙⵎⵏⵉⴷ ⵉⵙⵖⵍⴰⴼ ⵅⴼ ⵜⵙⵖⵣⵏⵜ ⵏ ⵓⴱⵕⵓⵜⵓⴽⵓⵍ ⴰⵔⵓⵛⵛⵉⵍ ⴰⵎⴹⴼⴰⵕ ⵉ ⵓⵇⴰⵡⵍ ⴰⴳⵔⴰⵖⵍⴰⵏ ⵉⵥⵍⵉⵏ ⵙ ⵉⵣⵔⴼⴰⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ, ⴰⵙⵖⵣⵏ ⵏ ⵜⵎⵢⴰⵇⵇⴰⵏⵜ ⵓⵟⵟⵓⵏ 87 ⵉⵣⴷⵉⵏ ⵙ ⵜⴷⵔⴼⵉ ⵜⴰⵏⵎⴰⵍⵍⵓⵜ ⴷ ⵓⴼⵔⴰⴳ ⵏ ⵓⵣⵔⴼ ⵏ ⵓⵙⵏⵎⴰⵍⴰ, ⴰⵙⵎⴰⴷ ⵏ ⵜⴱⵔⵉⴷⵜ ⵏ ⵓⵙⵖⵣⵏ ⵏ ⵓⵙⵖⵏⵓ ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 97.15 ⵉⵣⴷⵉⵏ ⴷ ⵓⵙⵡⵓⵜⵜⵓ ⵏ ⵜⴼⴰⴷⵉⵡⵉⵏ ⴷ ⵜⵎⴰⵎⴽⵉⵏ ⵏ ⵜⵎⵙⴽⵔⵜ ⵏ ⵓⵣⵔⴼ ⵏ ⵓⵙⵍⴰⴳ ⴷ ⵜⵓⵎⵙⵉⵙⵜ ⵏⵏⵙ ⴰⴽⴷ ⵉⵏⴰⵡⴰⵢⵏ ⵉⴳⵔⴰⵖⵍⴰⵏ, ⴷ ⵓⴳⴳⴰⵔ.
